قصيدة حلوة عن الحجاب

العطر فوّاح منها ** والكحل غطّى العيون

تقول: (إيماني في قلبي ** لا تسيؤن الظّنون)

يا شريفة يا عفيفة *** ليه رشّيتي العطر ؟؟

يا لّي أهدافك نظيفة *** ليه جمّلتي الثّغر؟؟

ليه لسيقانك كشفتي *** وليه لشعرك والنّحر؟؟

ليه خصّرتي العباية *** لين أبديتي الصّدر ؟؟

شافوا سارة رجال حسبة ** كلّموها وانصحوها

مخافة الله ذكّروها ** ومن عذابه حذّروها

أم سارة خاصمتهم ** واشتكتهم لأبوها

والأب اللاهي تكلّم : ** (بنتي حرّة اتركوها)

مرّة سارة خارجة ** من بيتها ويّا الرفيق

اصدمتهم شاحنة ** في حادثة وسط الطّريق

من عقب ملهى ومقهى ** صاروا في قبر وضيق

وصاروا عبرة لكلّ عاصي ** علّه من غيّه يفيق

الشباب في كلّ مول ** ما دروا شي الّي جرى

وين سارة ؟؟ يسألون ** موت سارة ما طرى

ما دروا إنّك يا سارة ** غيّبوك في الثّرى

ما دروا مين الّي باع ** وما دروا مين اشترى

كم فسدت وكم غويت!! ** ما سلكت درب الهداية

ليت ربّي ما عصيت!! ** ليت ما طعتك هواي !!

ليتني يوم إني مت ** ماتت ذنوبي معاي !!

ليتهم يوم ادفنوني ** ادفنوا ذيك العباية !!

ليت أبوية يوم جوني ** قال يا بنتي خطيتي !!

ليت ما طعتيني يمّة ** ولعباتي ما شريتي !!

ليت لأفعالي نهيتي ** ولعذابي ما سعيتي !!

ليت حرّصتي عليّ ** ليت عنّي ما غفيتي !!

ما أدري وش بألقى يا يمّة ** يوم نومي في القبور !!

ألقى حفرة وإلاّ روضة ** ألقى ظلمة وإلاّ نور !!

ألقى نار وإلاّ جنّة ** ألقى ظل وإلاّ حرور !!

آه من دنيا الأماني ** آه من دنيا الغرور

ليه تبرّجتي يا سارة ؟؟ ** ما قريتي في الكتاب ؟!!

السّور أنزلها ربّي ** فيها آيات الحجاب !!

ليه بحكمه ما رضيتي ؟؟ ** ليه جانبتي الصّواب ؟؟

ليه تكبّرتي وعصيتي ؟؟ ** ما تذكّرتي الحساب ؟!!

يا بنات في كلّ ديرة ** لا تسوّا مثل سارة

التبرّج والسّفور ** هوّ عنوان الخسارة

الحجاب هوّ الرّقي ** والتّقدّم والحضارة

الحجاب تقوى وعبادة *** الحجاب عفّة وطهارة

ما نقول حجابنا ** تقليد وعادة ما نقول

ما نقول هوّ خيرة ** نتّبعها أو نحول

ما نقول قول على ** قول ربّي والرّسول

ما لنا إلاّ الرّضى ** بشرع ربّي والقبول